Transcription

Je ne suis pas en cervelle vous faisant ceste depeche

pour deux

[barré : demy]

ennuys qui me travaillent. L’ung

procede de ce que ie me suis trop hasté de bailler

à monsieur de Richelieu VI c[ents] escus pour loffice de

vibally de St Marcelin qui ne se treuve pas vaccant

comme

[barré : me]

vous laviés escrit à monseigneur le prince

daulphin et à moy du IIIIe du passé, encor que

aye asseurance par escrit quil me rendra mes

deniers lorsque ledit office ne se trouveroit vaccant

par mort, et que les lettres de provision ne peussent

sortir effect. Mais cest longueur et poine là où iavois

envoyé lesdites lettres à monsieur Lyonne soubz le credit du

quel iavois pris les deniers pour sen rembourser sur ledit

office. C’est luy de qui je receus hyer advis que

ledit office nestoit pas vaccant. Je vous supplie

en donner promptement advis à mondit seigneur le prince

et le mescrire semblablement afin que ledit sieur

de Richelieu voyt ce quil en est.

Lautre chose que m’ayant mondit seigneur le prince

de long temps baillé la lettre que Bazemont luy avoit

escrit contre moy, don vous avez veu la copie, il luy

avoit pleu m’asseurer quil nen croyoit rien et despuis

mavoit tousjours faict bonne chère, voire montré

24 [barré : son]

bonne volunté au faict, de loffice que dessus, jusques

à ce matin que, sortant du lougis du roy, comme ie

laccompagnois an sus, luy faisant entendre comme

du jour dhyer la royne mavoit commandé bailler à

monsieur de Limoges le mémoire que i’avois dressé touchant

les moyens que le roy luy devoit donner pour les affaires

de son gouvernement, don il avoit

[barré : vu]

heu une copie que

monsieur d’Ambrun luy avoit envoyé, et que monsieur de

Limoges mavoit dict après lavoir leu que ie [ajouté : le] luy baillasse

ce jourdhuy comme il entreroit au conseil et que

34 [barré : me]

i’estois

[barré : venu]

allé à cest effect à la cour où pourtant

mondit sieur de Limoges nestoit venu, il ma dict quil

[8B]

avoit encor sur le cueur le rapport que Bazemont

luy avoit faict et quil ne scavoit qu’en croire ;

que sil pensoit quil fut vray, que ie ne

durerois guière et plusieurs autres propoz là-dessus,

sans cholère touttesfois. Mais telz que ie m’en treuve

grandement attristé, les derniers propoz siens ont

esté quil nen croit rien mais ie crains quil nentre

souvent en telles opinions. Je l’ay supplié denvoyer

querir Bazemont, ou de me permettre de le battre

puis quil ne luy plaisoit se contenter que ie les

dementisse comme aussi ie ne men sentois pas

[barré : pa]

satisfaict pour les dementir. Vous scavés monsieur

se tant de poine que iay pris pour les affaires

de son gouvernement en quoy ie pensois meriter quelque

chose de luy se treuvent bien par là recompensées.

Je ne layray pas de le retourner trouver demain

car ie scay bien que ie ne luy ay iamais faict faute,

mais ce sera selon l’humeur où ie le trouveray

pour n’y retourner pas si souvent. Si vous le trouvés

à propoz, ie vous supplie très humblement luy escrire

ung mot pour ma

[barré : del]

decharge.

Adressez moy sil vous plaict vos lettres pour les rendre

à mondit seigneur le prince.

Texte diplomatique

[1] Je ne suis pas en cervelle vous faisant ceste depeche [2] pour deux

[barré : demy]

ennuys qui me travaillent. L’ung [3] procede de ce que ie me suis trop hasté de bailler [4] à monsieur de Richelieu VI c[ents] escus pour loffice de [5] vibally de St Marcelin qui ne se treuve pas vaccant [6] comme

[barré : me]

vous laviés escrit à monseigneur le prince [7] daulphin et à moy du IIIIe du passé, encor que [8] aye asseurance par escrit quil me rendra mes [9] deniers lorsque ledit office ne se trouveroit vaccant [10] par mort, et que les lettres de provision ne peussent [11] sortir effect. Mais cest longueur et poine là où iavois [12] envoyé lesdites lettres à monsieur Lyonne soubz le credit du [13] quel iavois pris les deniers pour sen rembourser sur ledit [14] office. C’est luy de qui je receus hyer advis que [15] ledit office nestoit pas vaccant. Je vous supplie [16] en donner promptement advis à mondit seigneur le prince [17] et le mescrire semblablement afin que ledit sieur [18] de Richelieu voyt ce quil en est. [19] Lautre chose que m’ayant mondit seigneur le prince [20] de long temps baillé la lettre que Bazemont luy avoit [21] escrit contre moy, don vous avez veu la copie, il luy [22] avoit pleu m’asseurer quil nen croyoit rien et despuis [23] mavoit tousjours faict bonne chère, voire montré [24]

[barré : son]

bonne volunté au faict, de loffice que dessus, jusques [25] à ce matin que, sortant du lougis du roy, comme ie [26] laccompagnois an sus, luy faisant entendre comme [27] du jour dhyer la royne mavoit commandé bailler à [28] monsieur de Limoges le mémoire que i’avois dressé touchant [29] les moyens que le roy luy devoit donner pour les affaires [30] de son gouvernement, don il avoit

[barré : vu]

heu une copie que [31] monsieur d’Ambrun luy avoit envoyé, et que monsieur de [32] Limoges mavoit dict après lavoir leu que ie [ajouté : le] luy baillasse [33] ce jourdhuy comme il entreroit au conseil et que [34]

[barré : me]

i’estois

[barré : venu]

allé à cest effect à la cour où pourtant [35] mondit sieur de Limoges nestoit venu, il ma dict quil [36] [8B] [37] avoit encor sur le cueur le rapport que Bazemont [38] luy avoit faict et quil ne scavoit qu’en croire ; [39] que sil pensoit quil fut vray, que ie ne [40] durerois guière et plusieurs autres propoz là-dessus, [41] sans cholère touttesfois. Mais telz que ie m’en treuve [42] grandement attristé, les derniers propoz siens ont [43] esté quil nen croit rien mais ie crains quil nentre [44] souvent en telles opinions. Je l’ay supplié denvoyer [45] querir Bazemont, ou de me permettre de le battre [46] puis quil ne luy plaisoit se contenter que ie les [47] dementisse comme aussi ie ne men sentois pas

[barré : pa]

[48] satisfaict pour les dementir. Vous scavés monsieur [49] se tant de poine que iay pris pour les affaires [50] de son gouvernement en quoy ie pensois meriter quelque [51] chose de luy se treuvent bien par là recompensées. [52] Je ne layray pas de le retourner trouver demain [53] car ie scay bien que ie ne luy ay iamais faict faute, [54] mais ce sera selon l’humeur où ie le trouveray [55] pour n’y retourner pas si souvent. Si vous le trouvés [56] à propoz, ie vous supplie très humblement luy escrire [57] ung mot pour ma

[barré : del]

decharge. [58] Adressez moy sil vous plaict vos lettres pour les rendre [59] à mondit seigneur le prince.

Lettre:	1615
Texte:
Ligne:
logged as :	Login First

Consultation

Transcription

Texte

MetaDonnées

Laisser un signalement sur le texte